ماهو مبررك؟ محدش قلك شيل

محدش قلك شيل
عملت نفسك ناصح
وفكرت أن كل اللى سبقوك كانوا أغبياء
ياما ناس كتير نصحتك
وقالتلك أن الشيلة دى بتخر على صاحبها طين
بس انت اصريت أنك تشيل
ولويت راسك وقلت إن عمرها ما هتبهدلك
وأديها بهدلتك
شوف بقى هتنظف نفسك إزي
روح بقى ضيع وقت في تنظيف نفسك
وأوعى تسيب نفسك كدا كتير
أحسن تتعود على الطين
وأوعى تشيل تاني أحسن الناس تاخد بالها وتقرف منك

وافتكر زمان لما كنت نظيف
وابكى على خيبتك
عشان مش تعمل فيها ناصح وسبع
ومتعملش حاجة إنت عارف إن أخرتها طين

يلا اللى زيك كتير
بس فين العقل اللى بيفكر
وفين الإنسان اللى بيتعظ

يعني لازم تكون ضحية عشان تفهم
ايوا صحيح هتقول ان عقلك كان صغير
وبيتعلم ويكبر بالتجارب
بس في تجارب لايجب أن تخاض
لانها تترك علامة سوداء
وخصوصا إنك سامع عن ضحايا نفس التجربة
فلماذا يضاف اسمك على نفس القائمة

هذه هي علامة الإستفهام التى لن تجد لها مبرر